Cultura no Camiño: prazo de programación para os concellos subvencionados

Ábrese do 3 ao 30 de abril o prazo para que os arredor de 90 concellos subvencionados na convocatoria do programa Cultura no Camiño 2025 configuren a súa oferta de espectáculos no marco da 13ª edición deste circuíto de teatro, danza, narración oral, circo, maxia e concertos, que se desenvolverá do 15 de xuño ao 31 de agosto.

A resolución de concesión destas axudas, en réxime de concorrencia non competitiva, para os concellos do Camiño de Santiago interesados en programar actuacións de artes escénicas e musicais como parte desta iniciativa da Xunta pode consultarse no apartado de subvencións desta web.

Os espectáculos deberán ser seleccionados polos devanditos concellos a partir do catálogo que se pon á súa disposición a través do portal galescena.gal.