Te separas mucho

1989. Os pais de Paula sepáranse sendo ela unha nena. 2019. Ela sepárase de Joy logo dunha década de relación. Que teñen en común as dúas historias e como son diferentes?

Veleiro usa o seu arquivo doméstico –e o do seu proxenitor, adicto á cámara de vídeo, filmándoa a todas as horas– para ofrecer unha reflexión sobre a natureza deste tipo de imaxes en tanto que banco de recordos. Pero cando se están a filmar, como impactan no xeito de nos relacionar cos nosos seres queridos?

Documental honesto, de fina montaxe, na liña da tradición de cineastas como Ross McElwee ou Alan Berliner.