Pan de broa

Caracol, caracola

bota os teus corniños fóra

que o día de San Cribrán

heiche de dar un anaco de pan

“Pan de broa” é unha homenaxe a aqueles ditos e diretes, cancións e poemas que se converteron nos favoritos das familias que fun coñecendo ao longo destes dez anos de contadora para a primeira infancia. Neses encontros adoita xurdir a conversa e o intercambio de lembranzas vencelladas a memoria familiar e tradicional. Así fun sumando máis coñecemento da tradición oral a medida que ía aumentando a listaxe dos meus propios favoritos. De aí nace este espectáculo-obradoiro que xira en torno aos cantos e contos que mellor lle prestan aos peques e familias

Polo tanto, este contacontos musical é o resultado desas conversas nas que se compartiron lembranzas en forma de petiscos divertidos e poéticos.

Petiscos que prestan como o mellores dos alimentos.

“Eu quero pan,

pa -ra- pa-pán

Eu quero pan de broa”