By ò Bu. Aproximación al no existir, de Yarleku e El Punto Gunea (NAV)

Un espectáculo como unha boa escusa para falar de algo tan real como é o necesitar nalgún momento dunha vida, durmir para sempre.

By ò bu, aproximación ao non existir é un espectáculo que, a través do movemento, o trapecio e a palabra, expón a conversación entre as dúas partes dun mesmo ser. Este diálogo, enmárcase nun espazo que ben podería ser a súa propia cabeza, chea de equilibrios e portas ás súas reflexións. Unha conversación sobre a súa existencia e a opción de deixar de existir.

Yarleku-O Punto Gunea

Compañía xurdida en 2003 con afán de crear espectáculos de carácter socio-educativos, nos que axuntar a visión plástica do teatro e a transmisión de valores.

Pretenden mostrar ao público historias coas que se sinta involucrado ou identificado mentres presencia unha obra na que se tratan temas da vida cotiá de maneira educativa. A compañía evolucionou en diferentes facetas artísticas e creativas.