18/08/2026 - 20:00h
| Fornelos
| O Rosal
Gaiferos polo camiño a Compostela
Un espectáculo de Títeres Cachirulo
Cultura no Camiño
"A onde irá meu romeiro
Meu romeiro onde irá?
Camiño de Compostela
Non sei si alí chegara"
E vai ser difícil porque o noso peregrino protagonista vai ter que enfrontarse a moitas perigosas tentacións do mal, en forma de serpes enganadoras, trasnos que ofrecen tesouros, danzarinas á luz das estrelas ou diaños disfrazados de bos veciños. Todos queren tentar a Gaiferos para apartalo do seu camiño a Compostela!
Espectáculo de aventuras, cancións e divertimento a bordo do “O Cachi-móbil”: unha barraca rodante, que leva os monicreques e a ilusión a calquera recuncho.
Un teatriño autosuficiente, que inclúe cadeiras e bancos para acomodar ao público.
