El limpiabotas

Na Roma da posguerra, dous nenos traballan de limpabotas para gañar a vida, á vez que protagonizan pequenos furtos, intentando non ser atrapados pola policía. Soñan con mercar un cabalo cos cartos aforrados.

Filme esencial e moi influínte de Vittorio De Sica, foi a súa primeira gran longa neorrealista logo dunha primeira etapa facendo comedias e filmes románticos. Retrata a sociedade italiana tal como era na altura, traballando con rapaces da rúa e en localizacións reais para conseguir autenticidade. Un dos filmes seminais do movemento que marcou todo o cinema europeo na posguerra.