Constantes do porvir

Un dejà-vú do que aínda non sucedeu, un espazo temporal para mergullarse nas nosas intuicións sobre o futuro.

Constantes do porvir busca atravesar os desexos e intuicións da nosa sociedade en relación co tempo que está por chegar, busca estruturar un ensaio sobre o que descoñecemos pero que empezamos a albiscar, busca establecer pontes temporais co noso mañán, busca, en definitiva abrir unha xanela aos nosos anhelos e inquietudes en relación con ese tempo no que nos proxectamos como sociedade, como unha viaxe de aproximación aos nosos desexos afastados e probables.

A linguaxe utilizada articúlase nun híbrido entre performance e danza onde o espazo audiovisual e musical ten unha importancia fundamental.