Coa cabeza nas nubes
Un espectáculo teatral de Cía. SÖA.
COA CABEZA NAS NUBES é un espectáculo multidisciplinar que combina teatro físico, danza e clown para público familiar. En escena, dous personaxes conviven no mesmo espazo. Un deles, afogado polo traballo, tenta sobrevivir baixo unha morea de papeis. As tarefas non deixan de acumularse... non dá feito con todo o que hai que facer!
A súa compañeira, en vez de botarlle unha man, interrompe constantemente e só pensa en xogar. Será posible que non atope tempo para xogar con ela? Un pouquiño? Un instante sequera?
Entre ambos desátase unha divertida batalla chea de humor e acrobacias, onde se confrontan dúas visións da vida. Canto tempo lle dedicamos ao traballo? E ao xogo?. Estamos traballando demasiado? Queda aínda tempo para xogar?
Ficha artística
Autoría e dirección: Carlota Rosón Rojo e Martín Blanco
Escenografía: Marcos Covelo
Deseño son e música: Elba Souto
Deseño iluminación: Violeta Martínez Rivera
Vestiario: Miriam Cartagena
Coreografía: Martín Blanco
Elenco artístico: Carlota Rosón Rojo e Martín Blanco Mouro
