Bailar agora
Espectáculo de danza a cargo de Marta Alonso Tejada
BAILAR AGORA é unha sorte de imperativo cara a un posicionamiento no presente, social e persoal, a través da danza. Un impulso por situarnos no tempo actual das cousas, con plena consciencia sobre o que estamos a facer e cómo estamos a vivir o aquí e o agora. A proposta sobre como facelo é clara: Bailando.
Nun mundo en constante precipitación, o tempo esgótasenos proxectándonos nun futuro que nunca chega. BAILAR AGORA propón unha atención no presente e no concreto, na carne e no movemento, no movemento que é pensamento, investigando unha linguaxe humorística e crítica a través do movemento e a través dunha proposta escénica de danza moi física.
BAILAR AGORA pon en contacto á bailarina e creadora Marta Alonso Tejada coa bailarina e directora internacional Victoria P. Miranda.
Ficha artística
Autoría: Victoria P. Miranda, Pablo Reboleiro e Marta Alonso Tejada
Dirección: Marta Alonso Tejada
Escenografía: Laura Iturralde e Marta Alonso Tejada
Deseño iluminación: Laura Iturralde
Vestiario: Uxía P. Vaello
Coreografía: Victoria P. Miranda
Elenco artístico: Marta Alonso Tejada
