Catálogo Danza Galicia 2026: inscricións ata o 17 de novembro
A Axencia Galega das Industrias Culturais, a través do Centro Coreográfico Galego, está a preparar unha nova actualización do seu catálogo dixital Danza Galicia cara ao lanzamento da edición de 2026, coa que continuar difundindo a máis recente produción galega de danza e artes do movemento en eventos estratéxicos do sector.
Con este obxectivo, ábrese unha convocatoria para as compañías profesionais galegas deste ámbito artístico con espectáculos en distribución durante 2026, tanto para novas incorporacións ao catálogo como para a actualización das xa incluídas na edición de 2024. O trámite debe realizarse a través destes formularios:
- Incorporación de compañías non incluídas na edición de 2024 (ata un máximo de cinco espectáculos por formación artística).
- Actualización das fichas das compañías do catálogo de 2024
Prazo de inscrición: ata as 15,00 h. do luns 17 de novembro de 2025.
