Galicia Escena PRO: inscrición de profesionais
Abrimos ata ás 15,00 h do vindeiro 30 de abril o prazo de inscrición de profesionais no mercado Galicia Escena PRO, que se desenvolverá do 27 ao 30 de maio en Santiago de Compostela. O trámite realízase a través da área profesional de galiciaescenapro.gal. Nesta web xa está dispoñible, así mesmo, a programación completa do encontro.
Poden inscribirse:
- Responsables da programación de espazos escénicos públicos e privados, así como representantes de festivais e feiras de artes escénicas.
- Empresas distribuidoras.
- Compañías.
- Medios de comunicación relacionados coas artes escénicas.
Condicións:
- Só se acreditará unha persoa por entidade.
- Terán prioridade na inscrición programadores/as e responsables de feiras e festivais, así como representantes de institucións públicas.
- No caso dos responsables da programación de espazos, feiras e festivais, a organización garante unha acreditación con dereito a unha entrada para cada espectáculo e aloxamento en cuarto compartido durante os catro días da feira.
- No caso das empresas distribuidoras e compañías, garántese unha acreditación con dereito a unha entrada para cada espectáculo e a posibilidade de participar nos encontros profesionais que se celebren.
Galicia Escena PRO é o mercado galego das artes escénicas, que organizan cada ano a Axencia Galega das Industrias Culturais e a asociación empresarial Escena Galega.
