Share

Selección dunha banda/artista de Galicia para BIME Bilbao 2023: solicitudes ata o 13 de agosto

Un ano máis, a Axencia Galega das Industrias Culturais colabora con BIME Bilbao para favorecer a presenza da música emerxente galega nunha nova edición do Bilbao Music Experience, que se desenvolverá en diferentes escenarios da capital biscaíña do 25 ao 28 de outubro de 2023.

Convocatoria BIME Galicia​

​BIME Bilbao abre ata o 13 de agosto o prazo de solicitude cara á selección dunha banda ou artista de Galicia, que terá a oportunidade de actuar dentro do programa de showcases, así como de asistir ao evento para entrar en contacto con programadores musicais, descubrir as últimas tendencias do sector e continuar formándose en diferentes ámbitos da industria musical.

As bases da convocatoria, o formulario de inscrición e as condicións de participación están dispoñibles na web de BIME 2023.