19/08/2024 - 20:00h
| Praza de Porta de Conde
| Portas
Xira 30 aniversario
Espectáculo de Música a cargo de Os Carunchos
Cultura no Camiño
Os Carunchos nace a finais de 1994 coa idea de mesturar temas cantados co repertorio de gaiteiros solistas, conseguindo naquel momento unha formación nova e orixinal coa que Os Carunchos participan nos máis importantes festivais folk do país.
Gaita solista, percusións varias, polifonía nas voces e o acompañamento da zanfona fan que os directos de Os Carunchos sexan unha verdadeira festa chea de forza e diversión. Un xeito de facer cun compromiso activo co noso idioma e cultura moi característico, mesturando e recuperando coplas do noso imaxinario popular e dando ritmo e musica aos traballos dos nosos poetas históricos e contemporáneos. Este ano 2024 celebramos o noso 30 aniversario! Queres celebralo con nós?
