08/03/2025 - 21:00h
| Auditorio Afonso Eanes do Cotón
| Negreira
Unha inimiga do pobo
Talía Teatro
Rede Galega de Teatros e Auditorios
Helena é unha doutora de prestixio internacional que regresa á súa vila natal para comezar unha nova etapa xunto ao seu compañeiro. Embarazada de cinco meses, enfronta o seu novo estado coa ilusión por un novo proxecto profesional co balneario que ela mesma deseñou e que se presenta como un alternativa turística sostible e saudable.
A inesperada contaminación das augas da zona e a súa loita por preservar a saúde da poboación fronte aos intereses económicos van colocala no punto de mira da veciñanza, que ve como se pon en risco a prosperidade para toda a comunidade.
