Tema e Lola

Lola chega á vila onde naceu e da que marchou hai vinte anos coa súa parella, Rosalía, dun día para outro e sen que ninguén soubera ben o motivo. Ou case ninguén. 

Agora regresa para baleirar a casa, poñela en venta e liscar de novo a Tenerife. Unha visita de puro trámite. Lola pretende evitar a toda costa o trato social cos habitantes da vila e calquera cousa que lle faga remexer no seu pasado. Pero o seu plan axiña se torce. 

A axente que se vai encargar da venta, Telma, é una moza insegura e entusiasta que ten idealizadas a Lola e Rosalía por ter sido a primeira parella lesbiana da vila. E máis naquela época.

Telma busca una nova vocación como creadora de contidos e ve na historia de Lola un tema perfecto para o seu podcast. Lola, espaventada pola curiosidade da moza, tenta tirarlle esa idea da cabeza. Pero non hai xeito. Telma investiga pola súa conta e chega á conclusión de que a fuxida de Lola e Rosalía oculta un segredo aínda máis grande. 

Un morto. Un crime. Un misterio aínda sen resolver.

Autoría: Daniel D. García e Sandra Lesta

Dirección: Salvador del Río

Adaptación: Daniel D. García e Sandra Lesta

Escenografía: Pablo Giráldez Río "O Pastor"

Deseño sonoro: Héctor Pazos

Deseño iluminación: Salvador del Río, Hector Pazos

Vestiario: Sonia Rúa

Música: Héctor Pazos

Elenco artístico

Casilda Alfaro

Iria Piñeiro

Mónica Camaño

Fran Paredes