Profetas
Unha coprodución do Centro Dramático Galego e Ítaca Teatro
Ela e El vólvense atopar, moito tempo despois. Ao longo da noite, tratarán de recompoñer as lembranzas do que foi a súa relación; os soños que compartiron, os medos que a truncaron, as ficcións que crearon e as cidades onde a imaxinaron xuntos.
Profetas presenta o encontro dunha parella que xa non o é. Dúas persoas que fan balance da súa historia común por medio doutras historias do cinema e da literatura. Cuestións como o compromiso político e artístico, o amor e a creación están presentes nunha peza que funciona como un xogo de agochados, de abismos e de saltos entre realidade e ficción. Un conto que se conta para contarnos.
Ernesto Is obtivo con esta peza o XVI Premio Abrente de textos teatrais da MIT Ribadavia en 2021.
Ficha artística
Texto e dramaturxia: Ernesto Is
Dirección escénica, iluminación e espazo sonoro: Carlos Álvarez-Ossorio
Deseño e fabricación de máscara: Marga Portomeñe
Escenografía e vestiario: Producciones Artísticas Ítaca S.L.
Elenco: Elea López e Carlos Rebolo
