O arcón de Noa
Espectáculo de danza a cargo de Amarelo Cía
Noa é unha nena duns oito anos que vive coa súa nai nunha casa apartada, sen irmás ou amigues con quen xogar. No seu arcón garda os xoguetes que xa non a entreteñen. Todo parece vello, inservible e apagado no seu mundo solitario.
Un día, sen decatarse, activa unha sorte de encantamento e entra no mundo máxico que habita no arcón. Alí atopará seres diferentes que a farán descubrir mundos descoñecidos e fascinantes. Pero non todo é diversión dentro do arcón, tamén hai perigos agochados que Noa terá que sortear, coa axuda das súas novas compañeiras.
O ARCÓN DE NOA é unha historia de fantasía que nos mostra outros mundos posibles e maneiras de chegar a acordos e compartir espazos co que nos resulta alleo e diferente, para mostrar a idea dun mundo posible máis xusto e igualitario.
Ficha artística
Autoría: Lilian Portela e Daniel Rodríguez
Dirección e coreografía: Daniel Rodríguez
Escenografía e iluminación: Nacho Martín
Música e deseño son: Bruno Baw e LLXNTO
Elenco artístico: Raquel Ferradás, Clara Ferrão, Uxía Rivas
