As muletas + Quizáis un home!

O filme As muletas, como o seu título, é unha homenaxe a un poema do dramaturgo alemán de entreguerras Bertolt Brecht, no que expresa a dificultade da vida se precisas dunhas muletas para recorrela e a importancia de desfacerse delas. Os e as protagonistas desta historia están dotados desas “muletas” e non saben como desfacerse delas. A curtametraxe expresa a desolación de quen non pode vivir sen esas próteses e como o esforzo por liberarse delas pode acabar coa túa propia vida.

A fita rodouse en 1968 e os rolos de celuloide de 8mm quedaron gardados ata 2023, cando se recuperan, dixitalízanse e edítase de novo a película.

Na sesión inclúese ademais a peza Quizáis un home!, dirixida tamén por Eduardo Alonso e protagonizada por un actor da compañía Tespis.