A meiga da fonte
Espectáculo a cargo da escola Galega de Teatro Musical
Silva vive nunha fonte da Coruña que concede desexos á xente de bo corazón que
bebe dela. Cada ano a fada Pupeiriña, cuxo maior desexo é ser a primeira fada
influencer, axúdaa a conxurar un meigallo que permite que a fonte continúe a ter
poderes. Non obstante o malvado Lambirón envelena a auga e secuestra a Silva. Pupeiriña,
coa axuda do Diantre e dos nosos espectadores, terá que reunir todos os
ingredientes do meigallo e atopar a Silva antes da medianoite para executar o
conxuro e salvar a fonte.
Neste contacontos interactivo irmánanse tradición e actualidade.
Presentanse figuras míticas do imaxinario popular galego, mediante as que
se espoñen problemáticas como as consecuencias dun mal uso da tecnoloxía e das
redes sociais. Asemade trátase a importancia do patrimonio cultural que hai nos
barrios e pobos galegos e que é descoñecido para nós, así como a necesidade
dunha colaboración colectiva para poder mantelo. Para isto servimonos da amizade
de dúas heroínas femininas que loitarán ata o final por conseguir os seus
obxectivos.
