Meco e sono
Espectáculo teatral a cargo de Xarope Tulú
Meco e Sono e un espectáculo de teatro de bonecos e creación sonora en directo: un conto de arrolos para a primeira infancia. Nesta ocasión, Xarope Tulú únese á dramaturxia, música e voz en directo da escritora e xornalista radiofónica Xiana Arias. O resultado é unha sensorial e coidada proposta para ás máis pequenas cunha fermosa escenografía adaptable a todo tipo de espazos.
Fedello é un bebé que non durme. Parece lle teme á Noite. Pero a Noite só quere coidalo e que descanse e envía dúas amigas para que lle axuden durmir: Meco e Sono. Cando Fedello di: “teño meco, teño sono’” aparecen as dúas ao seu carón para mecelo e cantarlle uns arrolos. Meco é luminiscente e se vaca fala Mu, ela cando o aperta colle só M fai MMMMMMMMMMMMM. Sono ten os ollos pechos e anda como bailando, a cámara lenta abanea, ten a pel como de manta e sempre lle canta EAEAEA.
Coa axuda de Meco e Sono o noso Fedello non só consegue acougar e durmir senón que tamén se fai amigo da Noite.
Ficha artística
Dramaturxia: Xiana Arias
Elenco: Atenea García e Xiana Arias
Escenografía: Nicolás Zamorano
Espazo Sonoro: Xiana Arias
Produción: Xarope Tulú
Creación plástica e arte: Lúa Gándara
