Lázaro de Tormes

Pedras de Cartón presenta un espectáculo baseado no coñecido clásico da literatura, por primeira vez contado case sen palabras. Unha montaxe para toda a familia narrada en clave de comedia a través dun coidado traballo de máscaras, dirixido por Pablo Sánchez, e unha banda sonora orixinal creada por Davide González.

O elenco formado por Xosé Esperante, Xosé  Vilarelle, Juan Rodríguez e Suso Jalda / Laura  Sarasola dálle forma a cada un das pasaxes máis coñecidas desta universal historia da picaresca española. Unha maneira de introducir no amor polo teatro clásico os máis novos da casa.