Hexagonum

Hexagonum. A cuadratura do círculo é un espectáculo escénico de rúa de gran formato no que Troula Animación mestura o emprego da tecnoloxía, música e vídeo en directo, animación e danza. De carácter itinerante, recolle o universo simbólico e imaxinario do mundo das abellas para concienciar o público dos problemas causados pola posible desaparición destes animais, que implicaría a destrución do noso planeta tal e como o coñecemos. É, polo tanto, un espectáculo que pon o foco na  falta de conciencia ecolóxica que vivimos hoxe en día.