As gardiás
Espectáculo teatral a cargo de Teatro de Ningures
O humilde piso de Rosa, nun vello edificio no corazón dun barrio popular dunha vila obreira, é o refuxio acolledor dunha tribo de catro mulleres maiores organizadas. Rosa (que se atopa nunha cadeira de rodas) e as súas compañeiras, Ana, Marga e Susana, son operarias xubiladas da industria téxtil, e están decididas a preservar a súa independencia. Cando a filla de Rosa, Vitoria, propón trasladala a unha institución médica e vender o apartamento, comeza unha loita entre dúas visións do ben envellecer. Enfrontadas ás decisións de Vitoria, as vellas mulleres defenden o seu dereito a vivir xuntas e en liberdade e artellan unha serie de estratexias para convencer a Vitoria de que a súa é a mellor postura.
As gardiás, ou o dereito a decidir como xestionar a nosa propia vellez.
Autoría: Nasser Djemaï
Dirección: Cristina Domínguez
Elenco: Casilda Alfaro, Melania Cruz, Amparo Martínez, Rebeca Montero, Sonia Rúa
Adaptación: Vanesa Sotelo
Tradución: Henrique Harguindey
Escenografía: Carlos Alonso
Iluminación: Héctor Pazos, Salvador del Río
Son: Héctor Pazos
Vestiario: Carlos Alonso
Música: Héctor Pazos
Duración: 90 minutos
