Gadalka, a maxia detrás do cristal
Espectáculo de maxia a cargo de Dani García
Gadalka, a maxia destrás do cristal é un espectáculo de proximidade para un momento de grandes distancias. Esta micro-obra de maxia está pensada para o desfrute das familias, na intimidade. A acción céntrase nunha pequena caseta de feira, á que pequenos grupos familiares poden achegar-se para vivir unha experiencia máxica a poucos centímetros. Esta caseta, de menos dun metro cadra-do, agocha tras o seu cristal ao mentalista Gadalka, unha personaxe peculiar.
O espectáculo baséase na instalación dunha caseta acristalada dentro da cal se atopa o mentalista, permitindo deste xeito o achegamento case total do público (en unidades familiares) e garantindo as medidas sanitarias. Arredor da caseta colócase un perímetro de seguridade de 3 metros e ábrese un corredor que permite o acceso ordeado do público á mesma, sempre contando coa asistencia do equipo de produción do espectáculo. Unha innovadora proposta máxica para os tempos actuais que fará o desfrute da veciñanza.
