Feminíssimas
Espectáculo de teatro a cargo de Stephanie Maybelle Llaryora
Un Congreso Feminista na cidade de Vigo. Tres amigas da adolescencia que hai anos que non ven. Tres amigas que teñen 3 maneiras ben distintas de entender o "feminismo" Por exemplo: feminismo radical, feminismo liberal e postfeminismo. Esta é a base de Feminíssimas, unha peza con altas doses de humor, ironía e complicidade para poñer a amizade a proba mentres analizamos -desde a comedia- de que maneira as mulleres estamos, con-vivindo neste novo mundo feminista no que nos atopamos mergulladas.
Unha maneira -tamén- de rirnos de nós mesmas, de nosas propias incongruencias e sobre todo do espazo que separa a teoría pura da práctica diaria.
Un espazo -ademais- para reflexionar sobre a amizade e a súa complexa relación coa ideoloxía.
En resumo: unha comedia negra... moi violeta.
