Familia Caamagno
Espectáculo de música a cargo de Familia Caamagno
Xa está aquí o novo LP de Familia Caamagno! Oito cancións que navegan desde os confíns do garage ata o power pop máis delicado.
“O mundo está derrotado” é un disco nostálxico, cómico e político a partes iguais. Un disco que nace froito dunha situación excepcional, e que mira cunha risa nerviosa todas esas noticias de inflacións, guerras e cambios climáticos.
O disco comeza co “Xuntos” de Juan Pardo (1987) e remata con “O día que Fraga finou” inspirada no “The Day that Tatcher dies” de Hefner (2000) Polo medio a década dos 90 e as visións dun futuro distópico que xa pasou e que se repite unha e outra vez.
“O mundo está derrotado” está producido e gravado por Carlos Hernández nos estudios “El Castillo Alemán” entre outubro, febreiro e maio de 2022.
