08/07/2024 - 20:00h
| A Prazuela
| Pontecesures
Concerto punkInfantil
Espectáculo de Teatro a cargo de Peter Punk Pallaso
Cultura no Camiño
O Concerto PunkInfantil é a nova tolemía de Brais das Hortas e Peter Punk Pallaso. Unha proposta a medio camiño entre un espectáculo teatral e un musical.
O novo espectáculo de Brais das Hortas e Peter Punk Pallaso flúe empregando a música como fío condutor, onde a técnica musical e a técnica teatral combínanse abríndoas cara a novos estilos e públicos. Un espectáculo musical e de clown para todos os públicos
Dous músicos que chegan por equivocación a un mesmo escenario coa intención de ofrecer un concerto. O primeiro, un concerto infantil. O segundo, un concerto punk.
Tras descubrirse e recoñecerse van confluindo, progresivamente, nun espazo común: Un Concerto PunkInfantil.
