Concerto
Espectáculo de Música a cargo de De Ninghures
![Concerto](/sites/default/files/styles/main_image/public/eventos/141144.jpg?itok=8RPIUwt0)
Eles defínense coma uns rapaces dos anos 90 que creceron escoitando a grupos como Berrogüetto, Milladoiro e infinitas cancións de infinitos estilos musicais. Por iso, defenden a mú- sica feita de raíz e a creación contemporánea que pon en valor a tradición. Teñen os pés na terra pero a súa mirada é completamente global, xa que buscan sons diferentes de todas as partes do mundo e sen prexuízos. As súas influencias van desde as músicas do Magreb ou o rock saharaui ata as melodías cubanas. Teñen amor pola música e pola experimentación, deste eclecticismo e desta xuventude nace a súa frescura.
Cada un deles contribúe de maneira esencial a crear o poderoso bodegón millenial que define a De Ninghures. Co respaldo dos éxitos acumulados no seu álbum ‘Aquí’ como carta de presentación, este grupo é a elección ideal para as persoas que buscan experiencias musicais auténticas que enraízan a tradición galega cunha perspectiva global, moderna e actual.
De Ninghures promete levar á súa audiencia a unha viaxe sonora que vai desde a fusión de xéneros ata a paixón máxima pola arte