Betzy Bromberg. Programa 3.

Glide of Transparency

Betzy Bromberg | 2016-17 | EUA | 16 mm | 89 min

Interésame facer películas que exploren os lugares íntimos do interior. Para min, a combinación da abstracción visual e a auditiva resulta sublime, un xeito de fraguar camiños sen senda, viaxes carentes de compás con que se orientar un, a invocar transportes misteriosos e doutro mundo. Interésame facer un traballo que non teña puntos de referencia, onde a escala substitúa a estrutura e o tempo se experimente no canto de se contar. Glide of Transparency é unha película en tres movementos, unha exploración da cor e da luz. En última instancia, é unha película sobre o amor e a transcendencia. (Betzy Bromberg)