Andhrea & The Black Cats

Andhrea & The Black Cats é un proxecto cuxa premisa é interpretar vellas cancións do blues, pero sen recorrer a temas coñecidos, senón afondando na historia e sacándolle o po a eses arquivos que narran historias vividas, desamores, morriñas e milleiros de tristuras en xeral. Unha formación cuxos directos se caracterizan por facer que o público se traslade a unha época na que o sol marcaba as horas de traballo e o algodón se recollía con gotas de suor, para así coñecer as tarefas diarias dun pobre músico de blues, cuxo instinto para escribir unha canción era ter unha guitarra entre os dedos e plasmar cancións no seu diario persoal.

O repertorio desta banda supón un percorrido pola historia do blues, unha viaxe que traslada o público a outra época a través das historias narradas no seu momento polos autores máis clásicos, cuxo transfondo, na maioría dos casos, segue tendo presenza hoxe en día.

Entre o seu percorrido profesional, destaca que foron os gañadores do VI Concurso da Societat de Blues de Barcelona, tocaron en salas relevantes de Barcelona como o Campari Milano e en festivais como o Festival de Blues de Benicàssim, Outono Códax, VilaBlues, Black N’Blues Festival en Valladolid ou o Sweet Cotton Festival de Xaén.