Programa Da Man para emerxentes en danza: solicitude ata o 14 de novembro
A Axencia Galega das Industrias Culturais, a través do Centro Coreográfico Galego, patrocina a terceira edición do programa Da Man de acompañamento para emerxentes en danza, organizado por Amarelo co obxectivo de impulsar novos proxectos artísticos nesta disciplina, promover a creación e dinamizar o mercado con novas linguaxes.
Ábrese ata o 14 de novembro o prazo de solicitude para o proceso de selección dun proxecto de danza de artista/s emerxente/s de Galicia ou residentes en Galicia, que non conten con máis de tres espectáculos integrados en circuítos/programacións profesionais e queiran iniciar o proceso de creación dunha nova peza, impulsar a súa compañía ou outro tipo de proposta arredor da danza.
