Galicia Escena PRO: Os contos do Lobicán
Redrum Teatro
Premio ao mellor espectáculo de monicreques nos XXIX Premios de Teatro María Casares e gañador do XV Premio Barriga Verde de textos para teatro de monicreques 2022, Os contos do Lobicán é un espectáculo de monicreques musical, en verso, áxil e atrevido, destinado a nenos e nenas de entre 3 e 8 anos, que busca darlle a volta aos contos clásicos, ao tempo que transmite unha mensaxe educativa e valores universais como a amizade, a cooperación, o respecto pola natureza, o pensamento crítico e a importancia da imaxinación.
Espectáculo subvencionado pola Axencia Galega das Industrias Culturais
Autoría: Eva Mejuto
Dirección: Álex Sampayo
Elenco: Victoria Pérez, Guillermo Carbajo
Escenografía: As Dúas e Punto
Iluminación: Carlos Álvarez-Ossorio
Música: Davide González
Ilustración: Nuria Díaz
INFANTIL
MONICREQUES
40 MINUTOS
Galicia Escena PRO é o mercado profesional das artes escénicas galegas, organizado pola Xunta de Galicia e a asociación Escena Galega en Santiago de Compostela do 2 ao 5 de xuño de 2025.
O público xeral pode acceder de balde aos espectáculos programados, previa retirada de convites durante os días do evento no Museo das Peregrinacións e de Santiago (praza de Praterías s/n) en horario de 9,00 a 14,00 e de 16,00 a 19,00.
